これも、古いコラムからです。実際の雑誌には、漢字にシマグチ（方言）のルビをフってあるのですが、ここではルビフリができませんので、シマグチを主体に大和グチの漢字を当てはめて見ました。漢字を頼りに、ぼくのルーツを探してみてください。
（2000年1月5日記）
『いじゅん川
（ご）
Ⅱ号』
ゆらおう会１９９６年８月発行・1500円
「
はま（浜）とぅ、いしょ（礁）なんてぃ、てぃん（宇宙）とぅ、あし（遊）ぼ
」
森本眞一郎
「わ（吾）んや、だあ（何処）らが、ち（来）、なま（今）、だあ（何処）ち、う（居）てぃ、なま（今）らが、
だあ（何処）ちい（行）きょうちしゅんかい？」
なま（今）ぬゆむた（言葉）し「わ（吾）ん＊
アイデンティティ
」ぬくとぅ（事）んきゃば、な じそだち
（名瀬育ち）ぬ、とんふつご（芋普通語）し、はな（話）しおしょろう。
わ（吾）んがす（住）まうとぅんなじ（名瀬）ぬさでくま（佐大熊）や、なま（今）や、じゅうたく（住宅）ぬ
た（建）っち、ふて（大）きなまち（町）にっしなとぅりょんば、なま（今）らが、ひゃくごじゅうねんめえ
（百五十年前）や、にけぶり（二軒）しか、やあ（家）やありょうらんたんち、なごや さげんた（名越
佐源太）ぬ、なじわん（名瀬湾）ぬいず（絵）にか（書）しありょうり。
わ（吾）んちゃん（父）や、う（其）ん、にけぶり（二軒）ぬ、やあ（家）ぬ、ひ（引）きだりょんちかな。
わ（吾）きゃぬわらぶ（童子）ぬくる（頃）がりや、さでくま（佐大熊）だか、きょら（美）さんさ で く
（浜木綿）ぬはま（浜）ありょうてい、いしょ（礁）なんてぃや、がしち（海胆）だか、にゃあ（貝）だか、
きゃっき（幾ら）でんう（居）りょうたんば、しぬまつりごじゅうねん（市政五十年）ぬなま（今）とぅ
な（成）てぃや、にゅ（見）んむん（物）やてぃ一（ー）ちんね（無）んにしなりょうたっか。
なま（今）ぬやくにんしゅう（役人衆）や、はま（浜）とぅいしょ（礁）ちば、コンクリしぬ（塗）りかた（固）
むりゅんたむ（為）ぬむん（物）ちしか、に（見）きらん、かまち（頭）べぇーりだりょっと。
「はま（浜）といしょ（礁）」、ちい（言）いば、わ（吾）んおっかん（母）シマぬ、かさん（笠利）ぬ
ともり（土盛）だか、きょら（美）さんはま（浜）とぅいしょ（礁）ぬありょうてぃ、いしぇき（遺跡）しや、
たからばく（宝庫）ぬシマだりょうんちょ。
なま（今）らが二万五千ねんめえ（年前）ぬ、シマんちゅう（人）ぬく（暮）らしぬあとぅ（跡）ぬ
「きしごういしぇき（喜子川遺跡）」。
う（其）んまっこ（真向）にあ（在）ん「マツノトいしぇき（遺跡）」や、やまと え ぞ（日本北海道）ぼてぬ
じょうもんいしぇき（縄文遺跡）らががり、いじ（出）てぃきゅん、うでぃわ（腕輪）ばゴホウラ、やくげぇ
（夜光貝）んきゃし、ちく（作）てぃう（居）たん、ていしち（重要）なとろ（処）だりょうり。
う（其）りとぅ、ともり（土盛）ぬいしょ（礁）なん、「イギリスどぅ（泊）まり」ちい（言）ゅん、
こまり（籠）とぅ、「くゎだ（子抱）きいし岩」ち、ゆ（呼）ばっとぅんいし（岩）ぬ、ありょうり。
く（此）んはなし（話）や、ちゅう（人）にゆ（由）てぃ、だんだん（色々）ありやしょんば、
わ（吾）んいとぅく（従姉）ぬ、いな（小）さんとぅき（時）、じゅう（祖父）らが、き（聞）ちゃん
ちゅ（言）うはなし（話）しや、りイギリスとぅ、し な（中国）ぬ、あへんせんそう（阿片戦争
・一八四〇年）ぬくる（頃）ぬくとぅ（事）ありょうてぃ、ふねなんぎ（難船）しゃんイギリスぶに（船）ぬ、
ともり（土盛）ぬいしょ（礁）ぬこまり（籠）なんてぃ、しふく（修理）しゅんまど（間）、アダン
ばま（浜）なんてぃ、やどり（小屋）ず（住）まいしう（居）りょうたんち。
ぬ（乗）りくみいん（組員）ぬ、かみむんあちめ（食糧調達）ぬたむぃ（為）、ちゅうり（一人）ぬ
イギリスうなぐ（女性）ぬ、ともり（土盛）っちゅう（人）とぅぬ、はしわた（橋渡）しやく（役）ば、
し （為）う（居）りょうたんば、しふく（修理）ぬす（済）でぃ、ふに（船）ぬいじ（出）てぃ
い（行）きゅんとぅき（時）なりょうたっと、うなぐ（女性）や、はら（孕）むてう（居）りょうたんたむぃ（為）、
たったちゅうり（一人）のう（残）さってぃ、ともり（土盛）なんてぃ、うなぐぬくゎぁ（女子）ば、
な（産）しょうたんち。
がしし（そして）、いちねんしゃ（一年経）っとぅ、わざわざ、むけ（迎）ぬき（来）ょうてぃ、
ははうや（母親）や、うなぐ（女）ぬくゎぁ（子）ば、ともり（土盛）ちう（置）し、どぅちゅうり（自分一人）
もど（戻）りょうたんち。
のう（残）さった、んうなぐ（女）ぬくゎぁ（子）や、ともり（土盛）なんてぃほで（育）てぃ、
ともり（土盛）ぬごうけつむん（豪傑者）ち、やあたち（嫁入り）し、くゎぁ（子）だか、
四人（ゆたり）な（産）しょうたんば、う（其）んくゎぁ（子）ちい（言）ゅんが、わ（吾）ん
じゅう（祖父）ぬ、うや（親）だりょうんちかな。
ともり（土盛）ぬ、「さかり（盛）」び（引）きらがや、なま（今）あてぃん、はあがまち（赤髪）、
おおまなと（青瞳）、てえ（背丈）ぬたあ（高）さん、くゎぁまぐゎ（子孫）ぬま（生）れりょんや、
う（其）ん「くわぁだき いし（子抱き岩）」ぬ、ははうや（母親）ぬいでんし（遺伝子）ぬ、
い（生）きちもんあかし（証）かもし（知）れりょうらん。
さでくま（佐大熊）とぅ、ともり（土盛）ぬ、あいのこ合子ぬわ吾んが、百五十ねんめえ（年前）ぬ
はなし（話）らが、い（言）いちゃかんくとぅ（事）や、なま（今）ぬ、てんぬがくもん（宇宙物理学）ち、
ゆ（由）りば、わきゃあちきゅう（私達地球）や、てぃん（宇宙）ぬふし（星）ぬ、けぇ（欠け）ららが、
ま（生）れりょうたんち。
がしなりば、く（此）んゆ（世）にあ （在）んむん（物・者）や、あんかりごっと（一切合切）、
きょうで（姉妹兄弟）、ひきはろうじ（親類縁者）なりょうり、ちい（言）ゅんくとぅ（事）だりょん。
「わ（吾）んアイデンティティ」だか、「な（汝）んアイデンティティ」だか、「あ（彼）んアイデンティティ」だか、
「わきゃあ（私達）アイデンティティ」だか、に（根）やてぃーちむん（同じ物）ありょうらんかい？
（了）
＊「アイデンティティ」……どう（自分）ちば、ぬうむん（何者）かい？ゆすっちゅ（他人）あらん、
どう（自分）ば、しょうめいでけ（証明出来）りゅんむん（物）。
こせ（個性）ち、い（言）ゅうか、しゅたいせい（主体性）ち、い（言）ゅうか、
どう（自分）の、やくむぃ（役割）みたいなもの。
背後の岩が「イギリス泊まり」にある「子抱き岩」。
４代前の祖母の霊？
前面に写ってるファミリーも、うとぅるしゃやぁ（怖い）！！
（表紙）
